గరుడ పురాణం నుండి అచ్యుతస్తోత్రం చక్రధరస్తోత్రం
సూత ఉవాచ ।
వక్షేథ్యహమచ్యుతస్తోత్రం శృణు శౌనక సర్వదం ।
బ్రహ్మ పృష్టో నారదాయ యథోవాచ తథాపరమ్ ॥ 1॥
నారద ఉవాచ ।
యథాక్షయోఽవ్యాయో విష్ణుః స్తోతవ్యో వరదో మయా ।
ప్రత్యహం చర్చనాకాలే తథా త్వం వక్తుమర్హసి ॥ 2॥
తే ధన్యాస్తే సుజన్మానస్తే హి సర్వసుఖప్రదాః ।
సఫలం జీవితం తేషాం యే స్తువన్తి సదాచ్యుతమ్ ॥ 3॥
బ్రహ్మోవాచ ।
మునే స్తోత్రం ప్రవక్ష్యామిః వాసుదేవస్య ముక్తిదమ్ ।
శృణు యేన స్తుతః సమ్యక్పూజాకాలే ప్రసీదతి ॥ 4॥
ఓం నమో భగవతే వాసుదేవాయ నమః సర్వాపహారిణే । సర్వపాపహారిణే
నమో విశుద్ధదేహాయ నమో జ్ఞానస్వరూపిణే ॥ 5॥
నమః సర్వసురేశాయ నమః శ్రీవత్సధారిణే ।
నమశ్చర్మసిహస్తాయ నమః పంకజమాలినే ॥ 6॥
నమో విశ్వప్రతిష్ఠాయ నమః పీతామ్బరాయ చ ।
నమో నృసింహరూపాయ వైకుణ్ఠాయ నమోనమః ॥ 7॥
నమః పఞ్కజనాభాయ నమః క్షీరోదశాయినే ।
నమః సహస్రశీర్షాయ నమో నాగాఙ్గశాయినే ॥ 8॥
నమః పరశుహస్తాయ నమః క్షత్రాన్తకారిణే ।
నమః సత్యప్రతిజ్ఞాయ హ్యజితాయ నమోనమః ॥ 9॥
నమస్తే లోక్యనాథాయ నమశ్చక్రధారయ చ ।
నమః శివాయ సూక్ష్మాయ పురాణాయ నమోనమః ॥ 10॥
నమో వామనరూపాయ బలిరాజ్యాపహారిణే ।
నమో యజ్ఞవరాహాయ గోవిన్దాయ నమోనమః ॥ 11॥
నమస్తే పరమానంద నమస్తే పరమాక్షర ।
నమస్తే జ్ఞానసద్భావ నమస్తే జ్ఞానదాయక ॥ 12॥
నమస్తే పరమాద్వైత నమస్తే పురుషోత్తమ్ ।
నమస్తే విశ్వకృద్దేవ నమస్తే విశ్వభావన్ ॥ 13॥
నమస్తే స్తు విశ్వనాథ నమస్తే విశ్వకారణ ।
నమస్తే మధుదైత్యఘ్న నమస్తే రావణాన్తక్ ॥ 14॥
నమస్తే కంసకేశిఘ్న నమస్తే కైటభార్దన ।
నమస్తే శతపత్రాక్ష నమస్తే గరుడధ్వజ ॥ 15॥
నమస్తే కాలనేమిఘ్న నమస్తే గరుడాసన ।
నమస్తే దేవకీపుత్ర నమస్తే వృష్ణినన్దన్ ॥ 16॥
నమస్తే రుక్మిణీకాంత నమస్తే దితినన్దన్ ।
నమస్తే గోకులవాస నమస్తే గోకులప్రియ ॥ 17॥
జయ గోపవపుః కృష్ణ జయ గోపీజనప్రియ ।
జయ గోవర్ధనాధర్ జయ గోకులవర్ధన ॥ 18॥
జయ రావణవీరఘ్న జయ చాణూరనాశన ।
జయ వృష్ణికులోద్యోత్ జయ కాళీయమర్దన్ ॥ 19॥
జయ సత్య జగత్సాక్షింజయ సర్వార్థసాధక ।
జయ వేదాన్తవిద్వేద్య జయ సర్వద మాధవ ॥ 20॥
జయ సర్వాశ్రయవ్యక్త జయ సర్వగ మాధవ ।
జయ సూక్ష్మచిదాన్దన జయ చిత్తనిరఞ్జన ॥ 21॥
జయస్తేయస్తు నిరాలమ్బ్ జయ శాన్త సనాతన ।
జయ నాథ జగత్పుష్ట్ (త్పూజ్య) జయ విష్ణో నమోయస్తుతే ॥ 22॥
త్వం గురుస్త్వం హరే శిష్యస్త్వం దీక్షామన్త్రమణ్డలమ్ ।
త్వం న్యాసముద్రాసమయాస్త్వం చ పుష్పాదిసాధనమ్ ॥ 23॥
త్వమాధారస్త్వ హ్యనన్తస్త్వం కూర్మస్త్వం ధరామ్బుజం ।
ధర్మజ్ఞానాదయస్త్వం హి వేదిమణ్డలశక్తయః ॥ 24॥
త్వం ప్రభో ఛలభృద్రమస్త్వం పునః స ఖరాన్తకః ।
త్వం బ్రహ్మర్షిశ్చదేవస్త్వం విష్ణుః సత్యపరాక్రమః ॥ 25॥
త్వం నృసింహః పరానన్దో వరాహస్త్వం ధరాధరః ।
త్వం సుపర్ణస్తథా చక్రం త్వం గదా శంఖ ఏవ చ ॥ 26॥
త్వం శ్రీః ప్రభో త్వం ముష్టిసత్వం త్వం మాలా దేవ శాశ్వతీ ।
శ్రీవత్సః కౌస్తుభస్త్వం హి శార్ంగి త్వం చ తథేషుధిః ॥ 27॥
త్వం ఖడ్గచర్మణా సార్ధం త్వం దిక్పాలాస్తథా ప్రభో ।
త్వం వేధాస్త్వం విధాతా చ త్వం యమస్త్వం హుతాశనః ॥ 28॥
త్వం ధనేశస్త్వమీశానస్త్వమిన్ద్రస్త్వమపామ్పతిః ।
త్వం రక్షోధ్యాధిపతిః సాధ్యమస్త్వం వాయుస్త్వం నిశాకరః ॥ 29॥
ఆదిత్యా వసవో రుద్ర అశ్వినౌ త్వం మరుద్గణాః ।
త్వం దైత్యా దానవా నాగస్త్వం యక్షా రాక్షసాః ఖగాః ॥ 30॥
గన్ధర్వాప్సరసః సిద్ధాః పితరస్త్వం మహామరాః ।
భూతాని విషయస్త్వం హి త్వమవ్యక్తేన్ద్రియాణి చ ॥ 31॥
మనోబుద్ధిరహంకారః క్షేత్రజ్ఞస్త్వం హృదీశ్వరః ।
త్వం యజ్ఞస్త్వం వషట్కారస్త్వమోంకారః సమిత్కుశః ॥ 32॥
త్వం వేది త్వం హరే దీక్షా త్వం యూపస్త్వం హుతాశనః ।
త్వం పత్నీ త్వం పురోడాశస్త్వం శాల స్త్రుక్చ త్వం స్తువః ॥ 33॥
గ్రవాణః సకలం త్వం హి సదస్యాస్త్వం సదక్షిణః ।
త్వం శూర్పాదిస్త్వం చ బ్రహ్మ ముసలోలూఖలే ధ్రువమ్ ॥ 34॥
త్వం హోతా యజమానస్త్వం త్వం ధాన్యం పశుయాజకః ।
త్వమధ్వర్యుస్త్వముద్గాతా త్వం యజ్ఞః పురుషోత్తమః ॥ 35॥
దిక్పాతాలమహి వ్యోమ్ ద్యౌస్త్వం నక్షత్రకారకః ।
దేవతిర్యమ్మనుష్యేషు జగదేతచ్చరాచరమ్ ॥ 36॥
యత్కిఞ్చిద్దృశ్యతే దేవ బ్రహ్మాణ్డమఖిలం జగత్ ।
తవ రూపమిదం సర్వం దృష్ట్యర్థం సంప్రకాశితమ్ ॥ 37॥
నాథయన్తే పరం బ్రహ్మ దైవపి దురాసదం ।
కస్తజ్జానాతి విమలం యోగగమ్యమతీన్ద్రియమ్ ॥ 38॥
అక్షయం పురుషం నిత్యమవ్యక్తమజమవ్యయమ్ ।
ప్రలయోత్పత్తిరహితం సర్వవ్యాపినమీశ్వరమ్ ॥ 39॥
సర్వజ్ఞం నిర్గుణం శుద్ధమానన్దమజరం పరమ్ ।
బోధరూపం ధ్రువం శాన్తం పూర్ణమద్వైతమక్షయమ్ ॥ 40॥
అవతారేషు యా మూర్తిర్విదూరే దేవ దృశ్యతే ।
పరం భావమజానన్తస్త్వాం భజన్తి దివౌకసః ॥ 41॥
కథం త్వామీదృశం సూక్ష్మం శక్నోమి పురుషోత్తమ్ ।
ఆరాధయితుమీషాన్ మనోగమ్యమగోచరమ్ ॥ 42॥
ఇహ యన్మణ్డలే నాథ పూజ్యతే విధివత్క్రమైః ।
పుష్పధూపాదిభిర్యత్ర తత్ర సర్వా విభూతయః ॥ 43॥
సంకర్షణాదిభేదేన తవ యత్పూజితా మయా ।
క్షన్తుమర్హసి తత్సర్వం యత్కృతం న కృతం మయా ॥ 44॥
న శక్నోమి విభో సంయక్కర్తుం పూజాం యథోదితామ్ ।
యత్కృతం జపహోమాది అసధ్యం పురుషోత్తమ్ ॥ 45॥
వినిష్పాదయితుం భక్త్యా అత స్త్వం క్షమయామ్యహమ్ ।
దివా రాత్రౌ చ సన్ధ్యాయాం సర్వావస్థాసు చేష్టతః ॥ 46॥
అచలా తు హరే ! భక్తిస్తవాంఘ్రియుగలే మమ్ ।
శరీరేణ తథా ప్రీతిర్న చ ధర్మాదికేషు చ ॥ 47॥
యథా త్వయి జగన్నాథ ప్రీతిరాత్యన్తికి మమ్ ।
కిం తేన న కృతం కర్మ స్వర్గమోక్షాదిసాధనమ్ ॥ 48॥
యస్య విష్ణౌ దృఢా భక్తిః సర్వకామఫలప్రదే ।
పూజాం కర్తుం తథా స్తోత్రం కః శక్నోతి తవాచ్యుత్ ॥ 49॥
స్తుతం తు పూజితం మేద్య తత్క్షమస్వ నమోయస్తు తే ।
ఇతి చక్రధరస్తోత్రం మయా సమ్యగుదాహృతమ్ ।
స్థౌహి విష్ణుం మునే భక్త్యా యదీచ్ఛసి పరం పదమ్ ॥ 50॥
స్తోత్రేణానేన యః స్థౌతి పూజాకాలే జగద్గురుమ్ ॥ 51॥
అచిరాల్లభతే మోక్షం ఛిత్వా సంసారబన్ధనమ్ ।
అన్యోయపి యో జపేద్భక్త్యా త్రిసన్ధ్యం నియతః శుచిః ॥ 52॥
ఇదం స్తోత్రం మునే సో2పి సర్వకామవాప్నుయాత్ ।
పుత్రార్థీ లభతే పుత్రాన్బద్ధో ముచ్యేత్ బంధనాత్ ॥ 53॥
రోగాద్విముచ్యతే రాగీ లభతే నిర్ధనో ధనమ్ ।
విద్యార్థో లభతే విద్యాం భాగ్యం కీర్తిం చ విన్దతి ॥ 54॥
యశఃజాతి స్మరత్వం మేధావీ యద్యదిచ్ఛతి చేతసా ।
స ధన్యః సర్వవిత్ప్రాజ్ఞః స సాధుః సర్వకర్మకృత్ ॥ 55॥
స సత్యవాక్యశ్ఛుచిర్దాతా యః స్థౌతి పురుషోత్తమమ్ ।
అసంభాషా హి తే సర్వే సర్వధర్మబహిష్కృతాః ॥ 56॥
యేషాం ప్రవర్తనే నాస్తి హరిముద్దిశ్య సత్క్రియా ।
న శుద్ధం విద్యతే తస్య మనో వాక్చ దురాత్మనః ॥ 57॥
యస్య సర్వార్థదే విష్ణౌ భక్తిర్నావ్యభిచారిణి ।
ఆరాధ్య విధివద్దేవం హరిం సర్వసుఖప్రదమ్ ॥ 58॥
ప్రాప్నోతి పురుషః సమ్యగ్యద్యత్ప్రార్థయతే ఫలమ్ ।
కర్మ కామాదికం సర్వం శ్రద్ధధనః సురోత్తమః ।
అసురాదివపుః సిద్ధైర్దేయతే యస్య నాన్తరమ్ ॥ 59॥
సకలమునిభిరాద్యశ్చిన్త్యతే యో హి శుద్ధో
నిఖిలహృది నివిష్టో వేత్తి యః సర్వసాక్షి ।
తమజమమృతమీశం వాసుదేవం నతోయస్మి
భయమరణవిహీనం నిత్యమానన్దరూపమ్ ॥ 60॥
నిఖిలభువననాథం శాశ్వతం సుప్రసన్నం
త్వతివిమలవిశుద్ధం నిర్గుణం భావపుష్పైః ।
సుఖముదితసమస్తం పూజయామ్యాత్మభవం
విశతు హృదయపద్మే సర్వసాక్షి చిదాత్మా ॥ 61॥
ఏవం మయోక్తం పరమప్రభావమాద్యన్తహీనస్య పరస్య విష్ణోః ।
తస్మాద్విచిన్త్యః పరమేశ్వరోద్యసౌ విముక్తికామేన నరేణ సమ్యక్ ॥ 62॥
బోధస్వరూపం పురుషం పురాణమాదిత్యవర్ణం విమలం విశుద్ధమ్ ।
సఞ్చిన్త్య విష్ణుం పరమద్వితీయం కష్టత్ర యోగీ న లన్య ప్రయాతి ॥ 63॥
ఇమం స్తవం యః సతతం మనుష్యః పఠేచ్ఛ తద్వత్ప్రయతః ప్రశాన్తః ।
స ధూతపాప్మా వితతప్రభావః ప్రయాతి లోకం వితతం మురారేః ॥ 64॥
యః ప్రార్థయత్యర్థమశేషసౌఖ్యం ధర్మం చ కామం చ తథైవ మోక్షమ్ ।
స సర్వముత్సృజ్య పరం పురాణం ప్రయాతి విష్ణుం శరణం వరేణ్యమ్ ॥ 65॥
విభుం ప్రభుం విశ్వధరం విషుద్ధమశేషసంసారవినాశహేతుమ్ ।
యో వాసుదేవం విమలం ప్రపన్నః స మోక్షమాప్నోతి విముక్తసంగః ॥ 66॥
ఇతి శ్రీగరుడే మహాపురాణే పూర్వఖండే ప్రథమంశాఖే ఆచారకణ్డే-
త్యచ్యుతస్తోత్రం నామ చతుస్త్రింశదుత్తరద్విశతతమోధ్యాయః ॥
హరే క్రిష్ణ
Achyuta Stotram Chakradhara Stotram, Achyuta Stotram Chakradhara Stotram Telugu, Garuda Purana, Achyuta Stotram, Chakradhara Stotram, Vishnu Stotram, Hindu Scriptures, Telugu Devotional, Bhakti Literature, Vaishnava Hymns, Spiritual Texts, Sanskrit Prayers, Devotional Chanting, గరుడ పురాణం, అచ్యుతస్తోత్రం, చక్రధరస్తోత్రం, హిందూ ధర్మం, పురాణాలు, వైష్ణవ స్తోత్రాలు, శ్రీ మహావిష్ణువు, భక్తి సాహిత్యం, తెలుగు స్తోత్రాలు, దేవతా స్తోత్రాలు, , ఆధ్యాత్మికత, వేద పురాణాలు, శ్రీ విష్ణు భక్తి, స్తోత్రాల విశ్లేషణ, ధార్మిక గ్రంథాలు
Discover more from Bhakthi Unlimited
Subscribe to get the latest posts sent to your email.