Sri Rudrani Stotram

శ్రీ రుద్రాణి స్తోత్రం

శ్రీరుద్రాణిస్తోత్రం అథవా శ్రీరుద్రశక్తిలాకినీస్తోత్రం

ఆనందభైరవి ఉవాచ

శృణు భైరవ వక్ష్యామి రుద్రాణీస్తోత్రముత్తమమ్ ।
శ్రుత్వా పఠిత్వా దేవేశ ధారయిత్వా స్వదేహకే ॥ 1॥

మహాసిద్ధో భవేదేవ మహాకాలవశో భవేత్ ।
త్రైలోక్యరక్షణార్థాయ బ్రాహ్మణా విష్ణునా తథా ॥ 2॥

రుద్రయుక్తాం మహారౌద్రీం స్తుత్వా సర్వజయో భవేత్ ।
తచ్ఛ్రుత్వా మునయః సర్వే యోగినో యోగదర్శకాః ॥ 3॥

సర్వే దేవాః సర్వలోకాధిపాః స్యుః ప్రాణరక్షకాః ।
ఏతత్స్తవనమాత్రేణ బ్రహ్మ బ్రహ్మత్వమాప్నుయాత్ ॥ 4॥

విష్ణుర్విష్ణుత్వమాప్నోతి దేవత్వం సర్వదేవతాః ।
ఇదానీం శృణు తత్స్తోత్రమష్టాఙ్గయోగసాధనమ్ ॥ 5॥

ఏతత్స్త్వనపాఠేన చాష్టాఙ్గకులదేవతాః ।
వశీభూతాః ప్రభవన్తి సప్తస్వర్గస్థదేవతాః ॥ 6॥

అస్య మహారుద్రశక్తిస్తోత్రస్య మహాకాలభైరవోషిరనుష్టుప్ఛన్దః ।
శ్రీమఛ్రీరూపిణీ దేవతా । వాం బీజం ద్రాం శక్తిః సమౌం స్ఫెం కీలకమ్ ।
మహోగ్రాది దేవతా సర్వాభీష్టసిద్ధ్యర్థే జపే వినియోగః ॥

మహారౌద్రీ రుద్రారుణారవరవక్రోధనికరా
వికార ధర్మాణాం హరతు విషయం దేహి పరమమ్ ।
వివేకం సత్పుత్రం త్వమపి జగతామాదిపురుషం
విభాకోటిగ్రామస్ఖలననిచలా లోచనచలా ॥ 7॥

త్వమేక త్రైలోక్యం వ్యవసి సతతం మే శుభభవా
అనన్తా సా చాతీన్ద్రియగణకలా నాగవసనా ।
శ్రియం దాతుం నిత్యం సముదయతి రశ్మిస్తవ శివే
శివాహ్లాదానన్దా జడితమనమన్దా కురు ముదా ॥ 8॥

మహాలోభం పాపం హర హర హరే హీరకనిభే
విషానన్దోద్ఘాతా మం తను విషం వేశవశిని ।
సుధానానందం దేహి క్షయమపి హర క్రోధమతులం
మదం కామం మోహన్ కులజనని దివ్యం వితర్ తత్ ॥ 9॥

తపస్యాసద్భావం త్వమపి చ దదాసీః యది వా
ప్రదీప్తా సద్వ్యాప్తా భవతి తవ దానే మమ్ మనః ।
ప్రఫుల్లతిశ్రీదే జయ మమ్ న భక్తిం నిజశుభాం
సమీడే త్వమేకాం భువనజనరక్షం కురు సదా ॥ 10॥

విచార్య స్వే తంత్రే రచయిత సుఖం నిత్యమిళితం
మహాఖడ్గప్రఖ్యా త్రిభువనకరా రుద్రదయితా ।
సురాణాం సంరక్షం యది కురు ముదా పీఠనికరే
మణిద్వీపే తేజోమయి హి మణిపూరేథ్యమలపదమ్ ॥ 11॥

మహాక్షేత్రే యుద్ధోత్సవభయహరా త్వం కులకలా
కిరాతి సర్వాణి మం కులగతం పాలయ లయే ।
లయజ్ఞానానందం రచయ హృదయే యోగజనని
యతీనాం రక్షాయై కులయువతి విద్యే ఉదయతి ॥ 12॥

ప్రతిష్ఠా కీర్తిస్తే త్వమవతరసి త్రాసి తిమిర-
న్న జానే త్వత్తత్త్వం తరుణి మహిమానం సుఖమయమ్ ।
మహాపారావారాన్నిధిభవజలేశం కురు జయం
హిరణ్యాహ్లాదస్థా త్వమపి కరుణాసాగరమయీ ॥ 13॥

విధాతారం విష్ణుం సురవరణవందిన్ ప్రజానాన్
ప్రపసి త్వం సిద్ధా సుఖభువనభఙ్గక్షయకరా ।
కిరంతి సానన్దా కిరణశతకోటిం త్రిభువనే
త్వమేక కళ్యాణి గిరిశరమణిం పాహి సతతం ॥ 14॥

త్వదీయం సుఖాంతం సమిచ్ఛామి సత్యం
విసర్గేన్దువర్ణాత్మకం కామనాధ్యఖ్యమ్ ।
కృపాదదృష్టిపాతా మనః పాహి శుద్ధా
త్వమేకా పరబ్రహ్మరూపేణ సిద్ధా ॥ 15॥

జగత్తారిణి త్వం జగద్వ్యాపిని త్వం
జగజ్జ్వాలరూపా జగద్ధర్మరూపా ।
అనకాన్తికత్త్వత్వమానందరూప
త్వమేకా పరబ్రహ్మరూపేణ సిద్ధా ॥ 16॥

విధానం జననం కురు త్వం త్వమీశా
క్షపక్షమచిత్తా ప్రియానన్దదాత్రీ ।
త్వమజ్ఞానంబుజస్థా త్వమార్య గురూణాం
త్వమేకా పరబ్రహ్మరూపేణ సిద్ధా ॥ 17॥

ప్రభామండలస్థా స్థితిత్యాగసంస్థ
స్థలామ్భోజమాలా త్వమాలగ్నకణ్ఠా ।
శివశ్యామవర్ణా మహాపింగలార్ణా
త్వమేకా పరబ్రహ్మరూపేణ సిద్ధా ॥ 18॥

చతుర్థశ్రుతిష్ఠా చలచ్ఛన్ద్రసంస్థా
మహావేదభాషా త్వమేకా జగత్యామ్ ।
మహాభక్తిభావాశ్రితం మాం ప్రసిద్ధే
త్వమేకా పరబ్రహ్మరూపేణ సిద్ధా ॥ 19॥

జగద్ధామచేష్టే జగద్బుద్ధినిష్ఠే
జగద్యౌవనస్థ జగద్భావసంస్థ ।
సమావర్త్తమధ్యే మహాఘూర్ణితం మాన్
త్వమేకా పరబ్రహ్మరూపేణ సిద్ధా ॥ 20॥

మహా సృష్టిసంహారకాలక్రమస్థ
మహాాంశభక్షా సదానన్దరూపా ।
మహాశాక్యమౌనీన్ద్రపూజ్యే సురేజ్యే
త్వమేకా పరబ్రహ్మరూపేణ సిద్ధా ॥ 21॥

చతుఃషష్టితంత్రార్ణవాహ్లాదకత్వా-
న్మహాభౌతికత్వాన్మహాసిద్ధివిద్యా ।
ఛలచ్ఛిన్నదేహ ఛలానన్నసంజ్ఞ
త్వమేకా పరబ్రహ్మరూపేణ సిద్ధా ॥ 22॥

శివత్వం మహత్త్వం సమత్వమలత్వా-
దనైకాన్తికత్వం దదాసి త్వమాద్యా ।
సుధాసాగరస్తా మహామోహనస్థా ।
త్వమేకా పరబ్రహ్మరూపేణ సిద్ధా ॥ 23॥

మహాసింహపృష్ఠే పదామ్భోజలక్ష్మి-
ర్మం శ్రీశిరోమణ్డలస్థానం ప్రపాతు ।
భవననన్దసంతానకల్ప్య దేహం
త్వమేకా పరబ్రహ్మరూపేణ సిద్ధా ॥ 24॥

స్థిరా సా మహావిద్యుదాకారహారా
మహాచఞ్చలా చాచలా జ్ఞానజన్యా ।
సదా భవన్వాత్సదా జ్ఞాపనస్థ
త్వమేకా పరబ్రహ్మరూపేణ సిద్ధా ॥ 25॥

కులనందమోహా మహాకౌలకన్యా
కులక్షేత్రరక్షా కులచ్ఛత్రకారా ।
మహాచఞ్చలత్వాన్మహావాయుఘూర్ణా
త్వమేకా పరబ్రహ్మరూపేణ సిద్ధా ॥ 26॥

చిరంజీవిని భామినీ భూమిబీజ
భయాభావన్త్రీ శరత్కోటిచంద్రా ।
విభూతిర్భయాహారకర్త్రీ ప్రకృష్ట
త్వమేకా పరబ్రహ్మరూపేణ సిద్ధా ॥ 27॥

మహావీరభావాశ్రయా భావరూపా
విశేషావిశేషే మహాశైవవీరా ।
విసర్గాపవర్గాశ్రయార్ణోజ్జ్వలత్త్వాత్
త్వమేకా పరబ్రహ్మరూపేణ సిద్ధా ॥ 28॥

మహాపఞ్చమత్వాన్మహామోదకత్వాత్
మహాకౌలికాత్వాదసఞ్చారణత్వాత్ ।
కులప్రేమభావక్రియానిశ్చలత్వాత్
త్వమేకా పరబ్రహ్మరూపేణ సిద్ధా ॥ 29॥

వసోః సిద్ధిదాత్రీ శివానందకర్త్రీ
మహామైథునానన్దసమ్భేదనత్వాత్ ।
సుఖాశ్వాసతత్వాత్తపః ప్రాణరక్ష
త్వమేకా పరబ్రహ్మరూపేణ సిద్ధా ॥ 30॥

గలత్ప్రేమభావా కులజ్ఞానతత్వాత్
ప్రియా శ్రీకృపాత్వం భవధారమూర్తిః ।
మహైశ్వర్యహేతోర్మహారాజకన్యా
త్వమేకా పరబ్రహ్మరూపేణ సిద్ధా ॥ 31॥

మహామోక్షవిద్యా మహానిర్మలత్వాత్
ప్రభాపఞ్చచూడస్య సిద్ధిప్రియా చ ।
మహానాదబిందుప్రయాసాభిరామా
త్వమేకా పరబ్రహ్మరూపేణ సిద్ధా ॥ 32॥

మహావిద్రుమాకారవర్ణాభిరామా
కులాహ్లాదసూత్రాదిసంసాధనత్వాత్ ।
మహద్రాజ్యవిద్యాధన సంఘటత్వాత్
త్వమేకా పరబ్రహ్మరూపేణ సిద్ధా ॥ 33॥

తవాంఘ్రిద్వయామ్భోజపూజాసుఖత్వా-
న్మహాకాలరూపా స్వయం సర్వవిద్యా ।
వికారాది సంబన్ధవిశేషణత్వాత్
త్వమేకా పరబ్రహ్మరూపేణ సిద్ధా ॥ 34॥

శివత్వం శుభత్వం మహాశైలకన్యే
ప్రియత్వం పరత్వం మహాపావనత్వం ।
సమాధేహి తత్వాదనైకాంతికత్వాత్
త్వమేకా పరబ్రహ్మరూపేణ సిద్ధా ॥ 35॥

మహాచేతనాదేవనాదోన నత్వాద-
సఙ్ఖ్యామతీనాం మనోయోగముఖ్యా ।
విరోధాపహంత్రీ రిపుప్రాణహంత్రీ
త్వమేకా పరబ్రహ్మరూపేణ సిద్ధా ॥ 36॥

చతుర్వింశతిక్రోధతత్త్వానుకూలే
వియత్ఖణ్డచన్ద్రోజ్జ్వలే కీలకస్థే ।
సదా మం ప్రపాతు ప్రచండార్కవర్ణా
త్వమేకా పరబ్రహ్మరూపేణ సిద్ధా ॥ 37॥

శుభం కామధేనుస్వరూపం స్వదేహం
సదా దర్శనే శ్రద్ధయా చారువర్ణా ।
హిమాంశుప్రభాకోటివర్ణేత్యత్వపూర్ణే
త్వమేకా పరబ్రహ్మరూపేణ సిద్ధా ॥ 38॥

మహాకామబీజాన్వితా ఖండయంతి
మహాదోషజాలం శనైరావహంతి ।
శివ భద్రకాళీ స్థిరానందమాల
త్వమేకా పరబ్రహ్మరూపేణ సిద్ధా ॥ 39॥

మహాకాలకూటాశినం తీక్షణనేత్రం
సదా పాహి శంభుం భయార్ద్రాతివేలమ్ ।
భావపాలనత్వాదసంఖ్యానివాస
త్వమేకా పరబ్రహ్మరూపేణ సిద్ధా ॥ 40॥

హరంతి విషాదం వహంతి కళాద్యం
రటన్తి నటన్తి విశాలా భ్రమన్తి ।
శ్రియః పాలని పాలికా బాలికాత్వాత్
త్వమేకా పరబ్రహ్మరూపేణ సిద్ధా ॥ 41॥

భవనన్దహేతోః సదా శ్రద్ధయా వా
పదామ్భోజమధ్యే మనోయోగకాలే ।
పరాసఙ్ఖ్యతే కామసంక్షాలనత్వాత్
త్వమేకా పరబ్రహ్మరూపేణ సిద్ధా ॥ 42॥

క్షితిక్షోభనాశాయ సిద్ధాదివిద్యా
కులాఢ్యాఖిలాఢ్యాననా సూక్ష్మమధ్యా ।
ప్రయత్నం కరోషి క్షయానందదానా
త్వమేకా పరబ్రహ్మరూపేణ సిద్ధా ॥ 43॥

మహాధైర్యమాహృత్యజం జప్యతే యై-
స్తవాద్యాభిధానాని కలిప్రభాతే ।
తదైవాపి కాలే దాదాసీః సిద్ధిం
త్వమేకా పరబ్రహ్మరూపేణ సిద్ధా ॥ 44॥

చిరం స్థాపయంతి చిరం భాషయంతి
త్వమాఖ్యా గురూణాం కులానన్దవిద్యే ।
స్వధాకారతుష్ట కళావహ్నిజాయ
త్వమేకా పరబ్రహ్మరూపేణ సిద్ధా ॥ 45॥

సురానందకాలే ఫలోద్భూతచిన్హా
చితామధ్యదేశే మహాసిద్ధిదాత్రీ ।
త్రిభిన్నా భిన్నా మహారుద్రవిద్యే
త్వమేకా పరబ్రహ్మరూపేణ సిద్ధా ॥ 46॥

మహాపూర్వి కాత్యాయని క్రోధమూలే
వివేకాదికం ధర్మమాదౌ దాదాసి ।
త్రయాణాం సురాణాం ముదా రక్షణాయ
త్వమేకా పరబ్రహ్మరూపేణ సిద్ధా ॥ 47॥

విశుద్ధస్ఫుటత్వాన్మహాకౌతుకత్వా-
త్తనుధ్యానమోహాదనన్తే కృతత్వాత్ ।
కులరక్షణాత్మా మహాలక్షణాత్మా
త్వమేకా పరబ్రహ్మరూపేణ సిద్ధా ॥ 48॥

దహంతి రిపూణాం కులఞ్చాత్మదేశం
క్షణాదేవ సూక్ష్మాసుసూక్ష్మా సతీ సా ।
మమానందదేశం సదా పాలయ శ్రీ
త్వమేకా పరబ్రహ్మరూపేణ సిద్ధా ॥ 49॥

చతుర్థాశ్రమస్థాశ్రమం పాహి రుద్రే
మహొగ్రప్రతాపే మహారౌద్రి భద్రే ।
మహాపాతకాదిక్షయత్వామృతత్వా-
త్వమేకా పరబ్రహ్మరూపేణ సిద్ధా ॥ 50॥

మహావాయురమ్యే మహాజ్ఞానగమ్యే
మహామన్త్రజాప్యాదిసిద్ధిప్రసిద్ధే ।
లయం దేహి బాహ్యానిలాఘాతనత్వా-
త్వమేకా పరబ్రహ్మరూపేణ సిద్ధా ॥ 51॥

న జానామి కిం వామరో వాపి విష్ణు-
ర్మహాకౌలికో వా న జానాతి పూజామ్ ।
కులద్యాసనంటే సురేంద్రాదిపాఠే
త్వమేకా పరబ్రహ్మరూపేణ సిద్ధా ॥ 52॥

మదీయం ప్రలోభ్యం మహాభద్రకాళి
ప్రకాశేన్ కర్తుం సమర్థా భవ త్వమ్ ।
పదాబ్జే చ హంతుం మహాపాపసర్గే
త్వమేకా పరబ్రహ్మరూపేణ సిద్ధా ॥ 53॥

వహంతి కపాలం స్ఖలన్తీమపార్థం
మహాహేమమాలా మహాకాశయన్తీ ।
శివో మంగలం మే తు వైశ్వనరీశే
త్వమేకా పరబ్రహ్మరూపేణ సిద్ధా ॥ 54॥

ప్రచండా ప్రసన్నా భవక్షోభహేతో-
ర్వివాదాదిఘాతాయ శాన్తిః ప్రతుష్టిః ।
కియత్కాలసంస్థా ప్రసన్నాన్తరాత్మ
త్వమేకా పరబ్రహ్మరూపేణ సిద్ధా ॥ 55॥

మహావాయుపానా క్రియామోక్షకాలే
కులజ్ఞానదాన దివరూపిణి త్వం ।
ప్రభుత్వం విధేహి క్షమే కామకర్త్రీ
త్వమేకా పరబ్రహ్మరూపేణ సిద్ధా ॥ 56॥

యది శ్రీవరాద్యే మమాఖ్య ససిద్ధిం
విదేహీతి చిత్తే సమాధాయ భక్తః ।
సమాప్నోతి శీఘ్రం సదా ప్రార్థ్యతే యైః
సదా పఠ్యతే వా ముదా వారమేకమ్ ॥ 57॥

మహాకాలశంభో మహాజ్ఞానసిద్ధః
సదా కాలవశ్యే పఠేదేకచిత్తః ।
మహాభక్తిభావం లభేద్ వేద ముక్తిం
మహాదేవభక్తిం త్రికాలేన యోగమ్ ॥ 58॥

మణేః పీఠమధ్యే మహారుద్రకాంతం
మహాలాకినీం కుండలీం భావయన్తి ।
మహాపుణ్యలాభం స్తవం బ్రహ్మసారం
మహాకాన్తలాభాయ పుణ్యాయ సిద్ధ్యై ॥ 59॥

మహాకాళి రుద్రాణి భద్రాణి కృష్ణే
భవననన్దమూర్తిప్రకాశాయ కుర్యాత్ ।
కిలానన్దమాకృత్య సంపూజ్యతే యై-
ర్మహాదేవి చణ్డే తవ ధ్యాననిష్ఠా ॥ 60॥

మహామోక్షభావం సమాప్నోతి శీఘ్రం
మహాశుద్ధతా కామహా కాలరూపీ ॥ 61॥

ఇతి శ్రీరుద్రయామలే ఉత్తరతంత్రే మహాతంత్రోద్దీపనే సిద్ధిమన్త్రప్రకరణే
షట్చక్రప్రకాశే మణిపూరభేదనక్రమే భైరవీభైరవసంవాదే
రుద్రశక్తిలాకినీస్తోత్రం నామ షట్తత్వారింశః పాటలః ॥ 62॥

శ్రీ మాత్రే నమః