2160. Learn Bhagavad Gita Daily | Day 157 | మోక్ష సన్న్యాస యోగము-01 నుండి 78 శ్లోకములు

Learn Bhagavad Gita Daily | Day 157
మోక్ష సన్న్యాస యోగము-01 నుండి 28 శ్లోకములు

శ్రీ పరమాత్మనే నమః
అథః అష్ఠాదశోధ్యాయః
మోక్ష సన్న్యాస యోగః

1 వ శ్లోకము
అర్జున ఉవాచ:
సన్న్యాసస్య మహాబాహో !
తత్త్వమిచ్చామి వేదితుమ్‌।
త్యాగస్య చ హృషీకేశ !
పృథక్ కేశినిషూదన॥

2 వ శ్లోకము
శ్రీభగవానువాచ
కామ్యానాం కర్మణాం న్యాసం
సన్యాసం కవయో విదుః।
సర్వకర్మఫలత్యాగం
ప్రాహుస్త్యాగం విచక్షణాః॥

3 వ శ్లోకము
త్యాజ్యం దోషవదిత్యేకే
కర్మ ప్రాహుర్మనీషిణః।
యజ్ఞదానతపఃకర్మ
న త్యాజ్యమితి చాపరే॥

4 వ శ్లోకము
నిశ్చయం శృణు మే తత్ర
త్యాగే భరతసత్తమ ! ।
త్యాగో హి పురుషవ్యాఘ్ర !
త్రివిధః సంప్రకీర్తితః॥

5 వ శ్లోకము
యజ్ఞదానతపఃకర్మ
న త్యాజ్యం కార్యమేవ తత్‌।
యజ్ఞో దానం తపశ్చైవ
పావనాని మనీషిణామ్‌॥

6 వ శ్లోకము
ఏతాన్యపి తు కర్మాణి
సంగం త్యక్త్వా ఫలాని చ।
కర్తవ్యానీతి మే పార్థ
నిశ్చితం మతముత్తమమ్‌॥

7 వ శ్లోకము
నియతస్య తు సన్న్యాసః
కర్మణో నోపపద్యతే।
మోహాత్తస్య పరిత్యాగః
తామనః పరికీర్తితః॥

8 వ శ్లోకము
దుఃఖమిత్యేవ యత్కర్మ
కాయక్లేశభయాత్త్యజేత్‌।
స కృత్వా రాజసం త్యాగం
నైవ త్యాగఫలం లభేత్‌॥

9 వ శ్లోకము
కార్యమిత్యేవ యత్కర్మ
నియతం క్రియతేఽర్జున।
సంగం త్యక్త్వా ఫలం చైవ
స త్యాగఃస్సాత్త్వికో మతః॥

10 వ శ్లోకము
న ద్వేష్ట్యకుశలం కర్మ
కుశలే నానుషజ్యతే।
త్యాగీ సత్త్వసమావిష్ఠః
మేధావీ ఛిన్నసంశయః॥

11 వ శ్లోకము
న హి దేహభృతా శక్యం
త్యక్తుం కర్మాణ్యశేషతః।
యస్తు కర్మఫలత్యాగీ
స త్యాగీత్యభిధీయతే॥

12 వ శ్లోకము
అనిష్టమిష్టం మిశ్రం చ
త్రివిధం కర్మణః ఫలమ్‌।
భవత్యత్యాగినాం ప్రేత్య
న తు సన్న్యాసినాం క్వచిత్‌॥

13 వ శ్లోకము
పంచైతాని మహాబాహో!
కారణాని నిబోధ మే।
సాంఖ్యే కృతాంతే ప్రోక్తాని
సిద్ధయే సర్వకర్మణామ్‌॥

14 వ శ్లోకము
అధిష్ఠానం తథా కర్తా
కరణం చ పృథగ్విధమ్‌।
వివిధాశ్చ పృథ క్ చేష్టా
దైవం చైవాత్ర పంచమమ్‌॥

15 వ శ్లోకము
శరీరవాఙ్మనోభిర్యత్‌
కర్మ ప్రారభతే నరః।
న్యాయ్యం వా విపరీతం వా
పంచైతే తస్య హేతవః॥

16 వ శ్లోకము
తత్రైవం సతి కర్తారమ్‌
ఆత్మానం కేవలం తు యః।
పశ్యత్యకృతబుద్ధిత్వాత్‌
న స పశ్యతి దుర్మతిః॥

17 వ శ్లోకము
యస్య నాహంకృతో భావః
బుద్ధిర్యస్య న లిప్యతే।
హత్వాపి స ఇమాన్‌ లోకాన్‌
న హంతి న నిబధ్యతే॥

18 వ శ్లోకము
జ్ఞానం జ్ఞేయం పరిజ్ఞాతా
త్రివిధా కర్మచోదనా।
కరణం కర్మ కర్తేతి
త్రివిధః కర్మసంగ్రహః॥

19 వ శ్లోకము
జ్ఞానం కర్మ చ కర్తా చ
త్రిధైవ గుణభేదతః।
ప్రోచ్యతే గుణసంఖ్యానే
యథావచ్ఛృణు తాన్యపి॥

20 వ శ్లోకము
సర్వభూతేషు యేనైకం
భావమవ్యయమీక్షతే!
అవిభక్తం విభక్తేషు
తద్ జ్ఞానం విద్ధి సాత్త్వికమ్‌॥

21 వ శ్లోకము
పృథక్త్వేన తు యద్ జ్ఞానం
నానాభావాన్‌ పృథగ్విధాన్‌।
వేత్తి సర్వేషు భూతేషు
తద్ జ్ఞానం విద్ధి రాజసమ్‌॥

22 వ శ్లోకము
యత్తు కృత్స్న వదేకస్మిన్‌
కార్యే సక్తమహైతుకమ్‌।
అతత్త్వార్థవదల్పం చ
తత్తామసముదాహృతమ్‌॥

23 వ శ్లోకము
నియతం సంగరహితమ్‌
అరాగద్వేషతః కృతమ్‌।
అఫలప్రేప్సునా కర్మ
యత్తత్‌ సాత్త్వికముచ్యతే॥

24 వ శ్లోకము
యత్తు కామేప్సునా కర్మ
సాహంకారేణ వా పునః।
క్రియతే బహుళాయాసం
తద్రాజసముదాహృతమ్‌॥

25 వ శ్లోకము
అనుబంధం క్షయం హింసామ్‌
అనపేక్ష్య చ పౌరుషమ్‌॥
మోహాదారభ్యతే కర్మ
యత్తత్ తామసముచ్యతే॥

26 వ శ్లోకము
ముక్తసంగోఽనహంవాదీ
ధృత్యుత్సాహసమన్వితః।।
సిద్ధ్యసిద్ధ్యోర్నిర్వికారః
కర్తా సాత్త్విక ఉచ్యతే॥

27 వ శ్లోకము
రాగీ కర్మఫలప్రేప్సుః
లుబ్ధో హింసాత్మకోఽశుచిః।
హర్ష శోకాన్వితః కర్తా
రాజసః పరికీర్తితః॥

28 వ శ్లోకము
అయుక్తః ప్రాకృతః స్తబ్ధః
శఠో నైష్కృతికోఽలసః।
విషాదీ దీర్ఘనూత్రీ చ
కర్తా తామస ఉచ్యతే॥

29 వ శ్లోకము
బుద్ధేర్భేదం ధృతేశ్చైవ
గుణతస్త్రివిధం శృణు।
ప్రోచ్యమానమశేషేణ
పృథక్త్వేన ధనంజయ॥

30 వ శ్లోకము
ప్రవృత్తిం చ నివృత్తిం చ
కార్యాకార్యే భయాభయే॥!
బంధం మోక్షం చ యా వేత్తి
బుద్ధిః సా పార్థ సాత్త్వికీ॥

31 వ శ్లోకము
యయా ధర్మమధర్మం చ
కార్యం చాకార్యమేవ చ।
అయథావత్ ప్రజానాతి
బుద్ధిః సా పార్థ రాజసీ॥

32 వ శ్లోకము
అధర్మం ధర్మమితి యా
మన్యతే తమసావృతా।
సర్వార్థాన్ విపరీతాంశ్చ
బుద్ధిః సా పార్థ తామసీ॥

33 వ శ్లోకము
ధృత్యా యయా ధారయతే
మనఃప్రాణేంద్రియక్రియాః।
యోగేనావ్యభిచారిణ్యా
ధృతిః సా పార్థ సాత్త్వికీ॥

34 వ శ్లోకము
యయా తు ధర్మకామార్థాన్‌
ధృత్యా ధారయతేఽర్జున।
ప్రసంగేన ఫలాకాంక్షీ
ధృతిః సా పార్థ రాజసీ॥

35 వ శ్లోకము
యయా స్వప్నం భయం శోకం
విషాదం మదమేవ చ।
న విముంచతి దుర్మేధా
ధృతిః సా తామసీ మతా॥

36 వ శ్లోకము
సుఖం త్విదానీం త్రివిధం
శృణు మే భరతర్షభ।
అభ్యాసాద్రమతే యత్ర
దుఃఖాంతం చ నిగచ్ఛతి॥

37 వ శ్లోకము
యత్తదగ్రే విషమివ
పరిణామేఽమృతోపమమ్‌।।
తత్సుఖం సాత్త్వికం ప్రోక్తం
ఆత్మబుద్ధిప్రసాదజమ్‌॥

38 వ శ్లోకము
విషయేంద్రియసంయోగాత్‌
యత్తదగ్రేఽమృతోపమమ్‌।
పరిణామే విషమివ
తత్సుఖం రాజసం స్మృతమ్‌॥

39 వ శ్లోకము
యదగ్రే చానుబంధే చ
సుఖం మోహనమాత్మనః।
నిద్రాలస్యప్రమాదోత్థం
తత్తామసముదాహృతమ్‌॥

40 వ శ్లోకము
న తదస్తి పృథివ్యాం వా
దివి దేవేషు వా పునః।
సత్త్వం ప్రకృతిజైర్ముక్తం
యదేభిః స్యాత్ త్రిభిర్గుణైః॥

41 వ శ్లోకము
బ్రాహ్మణక్షత్రియవిశాం
శూద్రాణాం చ పరంతప।
కర్మాణి ప్రవిభక్తాని
స్వభావ ప్రభవైర్గుణైః॥

42 వ శ్లోకము
శమో దమస్తపః శౌచం
క్షాంతిరార్జవమేవ చ।
జ్ఞానం విజ్ఞానమాస్తిక్యం
బ్రహ్మకర్మ స్వభావజమ్‌॥

43 వ శ్లోకము
శౌర్యం తేజో ధృతిర్ధాక్ష్యం
యుద్ధే చాప్యపలాయనమ్‌।
దానమీశ్వరభావశ్చ
క్షాత్రం కర్మ స్వభావజమ్‌॥

44 వ శ్లోకము
కృషిగౌరక్ష్యవాణిజ్యం
వైశ్యకర్మ స్వభావజమ్‌।
పరిచర్యాత్మకం కర్మ
శూద్రస్యాపి స్వభావజమ్‌॥

45 వ శ్లోకము
స్వే స్వే కర్మణ్యభిరతః
సంసిద్ధిం లభతే నరః।
స్వకర్మనిరతః సిద్ధిం
యథా విందతి తచ్ఛృణు॥

46 వ శ్లోకము
యతః ప్రవృత్తిర్భూతానాం
యేన సర్వమిదం తతమ్‌!
స్వకర్మణా తమభ్యర్చ్య
సిద్ధిం విందతి మానవః॥

47 వ శ్లోకము
శ్రేయాన్‌ స్వధర్మో విగుణః
పరథర్మాత్‌ స్వనుష్ఠితాత్‌।
స్వభావనియతం కర్మ
కుర్వన్నాప్నోతి కిల్బిషమ్‌॥

48 వ శ్లోకము
సహజం కర్మ కౌంతేయ
సదోషమపి న త్యజేత్‌।
సర్వారంభా హి దోషేణ
ధూమేనాగ్నిరివావృతాః॥

49 వ శ్లోకము
అసక్తబుద్ధిః సర్వత్ర
జితాత్మా విగతస్పృహః।
నైష్కర్మ్య సిద్ధిం పరమాం
సన్న్యాసేనాధి గఛ్చతి॥

50 వ శ్లోకము
సిద్ధిం ప్రాప్తో యథా బ్రహ్మ
తథాప్నోతి నిబోధ మే।
సమాసేనైవ కౌంతేయ
నిష్ఠా జ్ఞానస్య యా పరా॥

51 వ శ్లోకము
బుద్ధ్యా విశుద్ధయా యుక్తః
ధృత్యాత్మానం నియమ్య చ।
శబ్దాదీన్ విషయాన్ త్యక్త్వా
రాగద్వేషౌ వ్యుదస్య చ॥

52 వ శ్లోకము
వివిక్తసేవీ లఘ్వాశీ
యతవాక్కాయమానసః।
ధ్యానయోగపరో నిత్యం
వైరాగ్యం సముపాశ్రితః॥

53 వ శ్లోకము
అహంకారం బలం దర్పం
కామం క్రోధం పరిగ్రహమ్‌।
విముచ్య నిర్మమః శాంతః
బ్రహ్మభూయాయ కల్పతే॥

54 వ శ్లోకము
బ్రహ్మభూతః ప్రసన్నాత్మా
న శోచతి న కాంక్షతి।
సమః సర్వేషు భూతేషు
మద్భక్తిం లభతే పరామ్‌॥

55 వ శ్లోకము
భక్త్యా మామభిజానాతి
యావాన్యశ్చాస్మి తత్త్వతః।
తతో మాం తత్త్వతో జ్ఞాత్వా
విశతే తదనంతరమ్‌॥

56 వ శ్లోకము
సర్వకర్మాణ్యపి సదా
కుర్వాణో మద్వ్యపాశ్రయః।
మత్ప్రసాదాదవాప్నోతి
శాశ్వతం పదమవ్యయమ్‌॥

57 వ శ్లోకము
చేతసా సర్వకర్మాణి
మయి సన్న్యస్య మత్పరః।
బుద్ధియోగముపాశ్రిత్య
మచ్చిత్తః సతతం భవ॥

58 వ శ్లోకము
మచ్చిత్తః సర్వ దుర్గాణి
మత్ప్రసాదాత్ తరిష్యసి।
అథ చేత్ త్వమహంకారాత్
న శ్రోష్యసి వినంక్ష్యసి॥

59 వ శ్లోకము
యదహంకారమాశ్రిత్య
న యోత్స్య ఇతి మన్యసే!
మిథ్యైష వ్యవసాయస్తే
ప్రకృతిస్త్వాం నియోక్ష్యతి॥

60 వ శ్లోకము
స్వభావజేన కౌంతేయ
నిబద్ధః స్వేన కర్మణా।
కర్తుం నేచ్ఛసి యన్మోహాత్‌
కరిష్యస్యవశోఽపి తత్‌॥

61 వ శ్లోకము
ఈశ్వరః సర్వభూతానాం
హృద్దేశేఽర్జున తిష్ఠతి।
భ్రామయన్‌ సర్వభూతాని
యంత్రారూఢాని మాయయా॥

62 వ శ్లోకము
తమేవ శరణం గచ్ఛ
సర్వభావేన భారత।
తత్ప్రసాదాత్ పరాం శాంతిం
స్థానం ప్రాప్స్యసి శాశ్వతమ్‌॥

63 వ శ్లోకము
ఇతి తే జ్ఞానమాఖ్యాతం
గుహ్యాద్‌ గుహ్యతరం మయా।
విమృశ్యైత దశేషేణ
యథేచ్చసి తథా కురు॥

64 వ శ్లోకము
సర్వగుహ్యతమం భూయః
శృణు మే పరమం వచః।
ఇష్టోఽసి మే దృఢమితి
తతో వక్ష్యామి తే హితమ్‌॥

65 వ శ్లోకము
మన్మనా భవ మద్భక్తః
మద్యాజీ మాం నమస్కురు!
మామేవైష్యసి సత్యం తే
ప్రతిజానే ప్రియోఽసి మే!

66 వ శ్లోకము
సర్వధర్మాన్‌ పరిత్యజ్య
మామేకం శరణం వ్రజ।
అహం త్వా సర్వపాపేభ్యః
మోక్షయిష్యామి మా శుచః॥

67 వ శ్లోకము
ఇదం తే నాతపస్కాయ
నాభక్తాయ కదాచన।
న చాశుశ్రూషవే వాచ్యం
న చ మాం యోఽభ్యసూయతి॥

68 వ శ్లోకము
య ఇమం పరమం గుహ్యం
మద్భక్తేష్వభిధాస్యతి!
భక్తిం మయి పరాం కృత్వా
మామేవైష్యత్యసంశయః॥

69 వ శ్లోకము
న చ తస్మాన్‌ మనుష్యేషు
కశ్చిన్మే ప్రియకృత్తమః।
భవితా న చ మే తస్మాత్‌
అన్యః ప్రియతరో భువి॥

70 వ శ్లోకము
అధ్యేష్యతే చ య ఇమం
ధర్మ్యం సంవాదమావయోః।
జ్ఞానయజ్ఞేన తేనాహమ్
ఇష్టః స్యామితి మే మతిః॥

71 వ శ్లోకము
శ్రద్ధావాననసూయశ్చ
శృణుయాదపి యో నరః।
సోఽపి ముక్తః శుభాన్‌ లోకాన్‌
ప్రాప్నుయాత్‌ పుణ్యకర్మణామ్॥

72 వ శ్లోకము
కచ్చిదేతచ్ఛ్రుతం పార్థ
త్వయైకాగ్రేణ చేతసా।
కచ్చిదజ్ఞానసమ్మోహః
ప్రణష్టస్తే ధనంజయ॥

73 వ శ్లోకము
అర్జున ఉవాచః
నష్టో మోహః స్మృతిర్లభ్ధా
త్వత్ప్రసాదాన్మయాచ్యుత।
స్థితోఽస్మి గతసందేహః
కరిష్యే వచనం తవ॥

74 వ శ్లోకము
సంజయ ఉవాచ
ఇత్యహం వాసుదేవస్య
పార్ధస్య చ మహాత్మనః।
సంవాదమిమమశ్రౌషమ్
అద్భుతం రోమహర్షణమ్॥

75 వ శ్లోకము
వ్యాసప్రసాదాచ్ఛ్రుతవాన్‌
ఏతద్‌ గుహ్యతమం పరం।
యోగం యోగేశ్వరాత్‌ కృష్ణాత్‌
సాక్షాత్‌ కథయతః స్వయం॥

76 వ శ్లోకము
రాజన్‌! సంస్మృత్య సంస్మృత్య
సంవాదమ్ ఇమమద్భుతమ్।
కేశవార్జునయోః పుణ్యం
హృష్యామి చ ముహుర్మహుః॥

77 వ శ్లోకము
తచ్చ సంస్మృత్య సంస్మృత్య
రూపమత్యద్భుతం హరేః।
విస్మయో మే మహాన్‌ రాజన్‌
హృష్యామి చ పునః పునః॥

78 వ శ్లోకము
యత్ర యోగేశ్వరః కృష్ణః
యత్ర పార్థో ధనుర్ధరః।
తత్ర శ్రీర్విజయో భూతిః
ధృవా నీతిర్మతిర్మమ॥

శ్రీమద్‌ భగవద్గీతాసు, ఉపనిషత్సు, బ్రహ్మవిద్యాయాం, యోగ శాస్త్రే, శ్రీకృష్ణార్జున నంవాదే మోక్ష సన్న్యాస యోగో నామ అష్టాదశోఽధ్యాయః

 

ఈ వీడియోలో మేము భగవద్గీత 18వ అధ్యాయానికి సంబంధించిన “మోక్ష సన్న్యాస విభాగ యోగము” గురించి వివరించాము. ఇందులో 01-78 శ్లోకములను చర్చించడం ద్వారా ఈ అధ్యాయంలో ప్రభువు శ్రీకృష్ణుడు చెప్పిన తత్వాలను సులభంగా అర్థం చేసుకోవడాన్ని ప్రోత్సహించాము. మోక్ష సన్న్యాస యోగము అహంకారరహిత జీవన విధానాన్ని, భగవంతుడి తత్వాన్ని గ్రహించడాన్ని, మరియు కర్మ ఫలాలపై ఆసక్తిని విడిచిపెట్టడం గురించి స్పష్టత ఇస్తుంది.

మోక్ష సన్న్యాస యోగ గుణాలు:
– ఆత్మ నిజస్వరూపాన్ని తెలుసుకోవడం.
– కర్మలకు బంధితుడిగా కాకుండా, స్వతంత్రతను పొందడం.
– భగవంతుని తత్వాన్ని సమగ్రంగా అర్థం చేసుకోవడం.
– ధర్మ బలాన్ని పెంపొందించుకోవడం.
– మనసుకు శాంతి మరియు స్థిరత్వాన్ని సాధించడం.

మీరు ఈ యోగాన్ని తెలుసుకోవడం ద్వారా జీవితాన్ని సార్థకంగా, సాధనతో నడిపించవచ్చు. ఈ అధ్యాయంలోని మూలభూత తత్వాలను ప్రతిరోజూ తెలుసుకోవడం ద్వారా భగవద్గీత యొక్క ప్రాముఖ్యతను అర్థం చేసుకోవడమే కాకుండా, దైవత్వం వైపు అడుగులు వేయవచ్చు.

In this video, we delve into the “Moksha Sannyasa Yogam” of the 18th Chapter of the Bhagavad Gita, covering Verses 01-78. This chapter highlights the importance of renouncing the ego, understanding the nature of the Supreme Being, and giving up attachment to the results of actions. Lord Krishna elaborates on the path to liberation and how detachment can lead to ultimate peace and freedom.

Benefits of Understanding Moksha Sannyasa Yogam:
– Realizing the true nature of the self (Atman).
– Attaining freedom from the bondage of actions.
– Gaining a comprehensive understanding of divine principles.
– Strengthening adherence to Dharma.
– Achieving inner peace and mental stability.

By learning and practicing the teachings of Moksha Sannyasa Yogam, one can lead a purposeful and spiritually fulfilling life. The daily study of this chapter enables us to grasp the deeper meanings of the Bhagavad Gita and walk closer to divinity.

భగవద్గీత, మోక్ష సన్న్యాస యోగము, భగవద్గీత అధ్యాయం 18, కర్మ ఫల త్యాగం, ధ్యానమార్గం, అహంకారరహిత జీవితం, శ్రీకృష్ణుడు ఉపదేశం, గీతా సరాంశం, భక్తి మార్గం, ధర్మం, గీతా అధ్యయనం, భారతీయ తత్వశాస్త్రం, ఆధ్యాత్మిక మార్గం, శ్లోకములు, భారతీయ సంస్కృతి.

Bhagavad Gita, Moksha Sannyasa Yogam, Chapter 18, detachment from actions, path to liberation, Lord Krishna’s teachings, spiritual growth, Gita essence, renunciation, Dharma, self-realization, Indian philosophy, spiritual awakening, Gita study, slokas, Indian spirituality.

#భగవద్గీత, #మోక్షసన్న్యాసయోగము, #భగవద్గీతఅధ్యాయం18, #కర్మఫలత్యాగం, #ధ్యానమార్గం, #అహంకారరహితజీవితం, #శ్రీకృష్ణుడు, #భక్తిమార్గం, #ఆధ్యాత్మికతత్వం, #భారతీయసంస్కృతి

#BhagavadGita, #MokshaSannyasaYogam, #Chapter18, #Detachment, #PathToLiberation, #LordKrishna, #SpiritualGrowth, #GitaEssence, #Renunciation, #Dharma, #SelfRealization, #IndianPhilosophy, #SpiritualAwakening, #GitaStudy, #Slokas

Chapter – 17 2143. Learn Bhagavad Gita Daily | Day 140 | శ్రద్ధాత్రయ విభాగ యోగము-01 నుండి 28 శ్లోకములు