Sri Shyamala Kavacham | శ్రీ శ్యామలా కవచం

శ్రీ శ్యామలా కవచం । Sri Shyamala Kavacham

శ్రీ గణేశాయ నమః
శ్రీ గురుభ్యో నమః
శ్రీ మాత్రే నమః

శ్రీ దేవ్యువాచ ।
సాధుసాధు మహాదేవ కథయస్వ మహేశ్వర ।
యేన సంపద్విధానేన సాధకానాం జయప్రదమ్ ॥ 1 ॥

వినా జపం వినా హోమం వినా మంత్రం వినా నుతిమ్ ।
యస్య స్మరణ మాత్రేణ సాధకో ధరణీపతిః ॥ 2 ॥

శ్రీ భైరవ ఉవాచ ।
శృణు దేవి ప్రవక్ష్యామి మాతంగీ కవచం పరమ్ ।
గోపనీయం ప్రయత్నేన మౌనేన జపమాచరేత్ ॥ ౩ ॥

మాతంగీ కవచం దివ్యం సర్వరక్షా కరం నృణామ్ ।
కవిత్వం చ మహత్వం చ గజావాజి సుతాదయః ॥ 4 ॥

శుభదం సుఖదం నిత్యమణిమాది ప్రదాయకమ్ ।
బ్రహ్మ విష్ణు మహేశానాం తేషామాద్యా మహేశ్వరీ ॥ 5 ॥

శ్లోకార్ధం శ్లోకమేకం వా యస్తు సంయక్పఠేన్నరః ।
తస్య హస్తే సదైవాస్తే రాజ్యలక్ష్మీర్న సంశయః ॥ 6 ॥

సాధకః శ్యామలాం ధ్యాయన్ కమలాసన సంస్థితః ।
యోనిముద్రాం కరే బధ్వా శక్తిధ్యాన పరాయణః ॥ 7 ॥

కవచం తు పఠేద్యస్తు తస్య స్యుః సర్వసంపదః ।
పుత్రపౌత్రాది సంపత్తిరంతే ముక్తిశ్చ శాశ్వతీ ॥ 8 ॥

బ్రహ్మరంధ్రం సదా పాయాచ్ఛ్యామలా మంత్రనాయికా ।
లలాటం రక్షతాం నిత్యం కదంబేశీ సదా మమ ॥ 9 ॥

భ్రువౌ పాయచ్చ సుముఖీ అవ్యాన్నేత్రే చ వైణికీ ।
వీణావతీ నాసికాం చ ముఖం రక్షతు మంత్రిణీ ॥ 10 ॥

సంగీత యోగినీ దంతాన్ అవ్యాదోష్ఠౌ శుక ప్రియా ।
చుబుకం పాతు మే శ్యామా జిహ్వాం పాయాన్ మహేశ్వరీ ॥ 11 ॥

కర్ణౌ దేవీ స్తనౌ కాళీ పాతు కాత్యాయనీ ముఖమ్ ।
నీపప్రియా సదా రక్షేదుదరం మమ సర్వదా ॥ 12 ॥

ప్రియంకరీ ప్రియవ్యాపీ నాభిం రక్షతు ముద్రిణీ ।
స్కంధౌ రక్షతు శర్వాణీ భుజౌ మే పాతు మోహినీ ॥ 13 ॥

కటిం పాతు ప్రధానేశీ పాతు పాదౌ చ పుష్పిణీ ।
ఆపాదమస్తకం శ్యామా పూర్వే రక్షతు పుష్టిదా ॥ 14 ॥

ఉత్తరే త్రిపురా రక్షేద్విదా విద్యా రక్షతు పశ్చిమే ।
విజయా దక్షిణే పాతు మేధా రక్షతు చానలే ॥ 15 ॥

ప్రాజ్ఞా రక్షతు నైరృత్యాం వాయవ్యాం శుభలక్షణా ।
ఈశాన్యాం రక్షతాద్దేవీ మాతంగీ శుభకారిణీ ॥ 16 ॥

ఊర్ధ్వం పాతు సదా దేవీ దేవానాం హితకారిణీ ।
పాతళే పాతు మాం నిత్యా వాసుకీ విశ్వరూపిణీ ॥ 17 ॥

అకారాది క్షకారాంత మాతృకా రూపధారిణీ ।
ఆపాదమస్తకం పాయా దష్టమాతృ స్వరూపిణీ ॥ 18 ॥

అవర్గసంభవా బ్రాహ్మీ ముఖం రక్షతు సర్వదా ।
కవర్గస్థా తు మాహేశీ పాతు దక్షభుజం తథా ॥ 19॥

చవర్గస్థా తు కౌమారీ పాయాన్మే వామకం భుజమ్ ।
దక్షపాదం సమాశ్రిత్య టవర్గం పాతు వైష్ణవీ ॥ 20 ॥

తవర్గజన్మా వారాహీ పాయాన్మే వామపాదకమ్ ।
తథా పవర్గజేంద్రాణీ పార్శ్వాదీన్ పాతు సర్వదా ॥ 21 ॥

యవర్గస్థా తు చాముండా హృద్దోర్మూలే చ మే తథా ।
హృదాది పాణిపాదాంత జఠరానన సంజ్ఞికమ్ ॥ 22 ॥

చండికా చ శవర్గస్థా రక్షతాం మమ సర్వదా ।
విశుద్ధం కంఠమూలం తు రక్షతాత్ షోడశస్వరాః ॥ 23 ॥

కకారాది ఠకారాంత ద్వాదశార్ణం హృదంబుజమ్ ।
మణిపూరం డాధిఫాంత దశవర్ణ స్వరూపిణీ ॥ 24 ॥

స్వాధిష్ఠానం తు షట్పత్రం బాదిలాంత స్వరూపిణీ ।
వాదిసాంత స్వరూపాఽవ్యాన్మూలాధారం చతుర్దళమ్ ॥ 25 ॥

హంక్షార్ణమాజ్ఞా ద్విదళం భ్రువోర్మధ్యం సదావతు ।
అకారాది క్షకారాంత మాతృకా బీజ రూపిణి ॥ 26 ॥

మాతంగీ మాం సదా రక్షేదాపాదతల మస్తకమ్ ।
ఇమం మంత్రం సముద్ధార్య ధారయేద్వామకే భుజే ॥ 27 ॥

కంఠే వా ధారయేద్యస్తు స వై దేవో మహేశ్వరః ।
తం దృష్ట్వా దేవతాః సర్వాః ప్రణమంతి సుదూరతః ॥ 28 ॥

తస్య తేజః ప్రభావేన సమ్యగ్గంతుం న శక్యతే ।
ఇంద్రాదీనాం లభేత్సత్యం భూపతిర్వశగో భవేత్ ॥ 29 ॥

వాక్సిద్ధిర్జాయతే తస్య అణిమాద్యష్ట సిద్ధయః ।
అజ్ఞాత్వా కవచం దేవ్యాః శ్యామలాం యో జపేన్నరః ॥ 30 ॥

తస్యావశ్యం తు సా దేవీ యోగినీ భక్షయేత్తనుమ్ ।
ఇహ లోకే సదా దుఃఖం అతో దుఃఖీ భవిష్యతి ॥ 31 ॥

జన్మకోటి సదా మూకో మంత్రసిద్ధిర్న విద్యతే ।
గురుపాదౌ నమస్కృత్య యథామంత్రం భవేత్సుధీః ॥ 32 ॥

తథా తు కవచం దేవ్యాః సఫలం గురుసేవయా ।
ఇహ లోకే నృపో భూత్వా పఠేన్ముక్తో భవిష్యతి ॥ 33 ॥

బోధయేత్పరశిష్యాయ దుర్జనాయ సురేశ్వరి ।
నిందకాయ కుశీలాయ శక్తిహింసా పరాయ చ ॥ 34 ॥

యో దదాతి న సిధ్యేత మాతంగీకవచం శుభమ్ ।
న దేయం సర్వదా భద్రే ప్రాణైః కంఠ గతైరపి ॥ 35 ॥

గోప్యాద్గోప్యతరం గోప్యం గుహ్యాద్గుహ్యతమం మహత్ ।
దద్యాద్గురుః సుశిష్యాయ గురుభక్తి పరాయ చ ।
శివే నష్టే గురుస్త్రాతా గురౌ నష్టే న కశ్చన ॥ 36 ॥

ఇతి శ్రీశక్తితంత్ర మహార్ణవే శ్రీ శ్యామలా కవచమ్ ।

sri shyamala kavacham, sri shyamala kavacham in telugu, శ్రీ శ్యామలా కవచం, sri shyamala kavacham with lyrics, sri shyamala kavacham in telugu lyrics, sri shyamala kavacham with telugu lyrics, శ్రీ శ్యామలా దేవి కవచం, sri shyamaladevi kavacham, shyamala kavacham, sree shyamala kavacham, shyamala kavacham song, shyamala kavacham full, shyamala kavacham mantra, shyamala kavacham telugu, shyamala kavacham with lyrics, shyamala devi kavacham, shyamala kavacham in telugu, shyamala kavacham in telugu lyrics, Devotional, Devotional Stotras